Budyšin (SN/bn). „Dótkanja“ rěka nowa, w Ludowym nakładnistwje Domowina wušła zběrka poezije Milana Hrabala, kotruž awtor wčera w połnje wobsadźenej Smolerjec kniharni premjernje předstaji. Antologija je prěnja serbska publikacija čěskeho basnika a wopřijima něhdźe połsta lyriskich přinoškow kaž tež krótkopowědančko „Hanka“. Wjetšinu twórbow běchu Měrana Cušcyna, Róža Domašcyna, Benedikt Dyrlich, Jurij Łušćanski, Timo Meškank, Alfred Měškank, Božena Pawlikec a Dorothea Šołćina zeserbšćili, šěsć basnjow je awtor sam w jemu přewšo bliskej „njemaćeršćinje“ spisał. Z nich recitowaše Hrabal mjez druhim twórbje „Basnik so rozžohnuje“ a „Łužica na předwječoru“, wěnowanej wusahowacymaj serbskimaj poetomaj Kitej Lorencej a Benej Budarjej. Přestajiwši dalši přikład „Runje nětko Mikławšk“ přeradźi wón publikumej, zo bě jemu „zetkanje rěčow na tamnišich narownych kamjenjach“ runje tak z inspiraciju kaž na přikład dožiwjenja we wobłuku Mjezynarodnych swjedźenjow serbskeje poezije. ...

Wotrowska spisowaćelka Stephanie Domašcyna wozjewi mjeztym pjaty dźěl swojeho cylkusa romanow „Merles mystische Abenteuer“. Tónraz dožiwi titulna rjekowka zhromadnje ze swojimi přećelemi dyrdomdej w Pančicach-Kukowje., hdźež zbudźi dotal njewotkryta komora Klóštra Marijina hwězda, chowaca pokłady a potańswta, zajim nic jenož chrobłych młodostnych, ale tež horstki dwělomnych figurow. Po zwučenym wašnju spleće awtorka stawiznu z elementami serbskeje mytologije. Na předań je kniha pod titulom „Ein Wunsch für den Plon“ w rozdźělnych formatach wot 22. awgusta.

Dypkowej a pokalna hraKoparskej cyłkaj FC Energija Choćebuz a Budissa Budyšin startujetej njedźelu kóždej z dypkowej hru do noweje hrajneje doby. Winowatostna zazběhowa hra Ralbičanskich Sokołow do noweje sezony budźe pokalny duel na krajnej runinje. Dobyćer partije nastupi w druhim kole doma přećiwo regionalnemu ligistej FSV Zwickau.09.08.  13:30  FC Energija Choćebuz –  Hannover 9609.08.  14:00  Budissa Budyšin –  FC Eilenburg09.08.  15:00  Sokoł Ralbicy/Hórki –  Heidenauske STPřihotowanske koparske hryPřihotowanska faza koparskich cyłkow na wokrjesnej runinje so nachila. Posledni raz do zahajenja dypkowych hrow nastupi sobotu prěnje koparske mustwo SJ Chrósćicy w tesće doma přećiwo wo­krjesnemu wyšemu ligistej z Klětnoho/Hamora. Testowa hra budźe wutoru w Kulowje mjez tamnišim prěnim a druhim mustwom.08.08.  14:00  SJ Chrósćicy –  ST Klětno/Hamor09.08.  14:00  ST Haselbachtal –  SJ Chrósćicy II09.08.  15:00  SJ Njebjelčicy –  ST Drjewnica11.08.  19:00  Módro-běli Kulow –  Wulke Zdźa ...

Krótko do wulkich prózdnin wuhotuje KOST – skrótšenka woznamjenja Kooperacija šule a dźiwadła w Sakskej – lěto wob lěto Zetkanje šulskich dźiwadłow. Hłowny zaměr je zmóžnić dorostowym cyłkam wšitkich spartow jewišćoweho wuměłstwa so zjawnje prezentować. Nimo toho ma mjezsobnej wuměnje akterkow a akterow, ale tež pedagogow a nawodow polěkować. A cyle připódla je wobstajne wabjenje za mysličku, dźiwadźelenje skónčnje jako regularny šulski předmjet zawjesć.

Legendarny spěšnik „SVT Zhorjelc“ z NDRskeho časa ma wot srjedź awgusta zaso turistisce po puću być. W lěće 1968 natwarjeny ćah bě powšitkownowužitne towarstwo SVT Zhorjelc před wjace hač pjeć lětami z wulkej prócu restawrowało a za to něhdźe sydom milionow eurow inwestowało. Při probowej jězbje lětsa w juniju je so motor jězdźidła skóncował. Foto: dpa/Matthias Bein

Barowy festiwalRadwor. Radworska młodźina přeprošuje kónc tydźenja na Barowy festiwal w tamnišim młodźinskim klubje. Zarjadowanje wotměje so wot dźensnišeho pjatka hač do njedźele a skići zabawu za kóždu generaciju. Swjedźenski kónc tydźenja zahaji so dźensa we 18.30 hodź. z natočenjom piwa, poł hodźiny po tym slěduje kwis a wot 21 hodź. postara so DJ Systemfehler wo zynki do reje. Na sobotne reje prosy młodźina wot 21 hodź. z najwšelakorišej hudźbu. Njedźelu wot 10.30 hodź. zapiskaja Chróšćanscy muzikanća při rańšim piwje. Dołhi kónc tydźenja zakónči so z pisanymi poskitkami za swójby.Jubilej drastoweho domuWojerecy. Towarstwo pěstowanja regionalneje kultury srjedźneje Łužicy přeproša jutře, sobotu, we wobłuku 100. jubileja załoženja Wjacławkec drastoweho domu we Wojerecach na lěćny swjedźeń. Wot 11 hodź. poskićuja wodźenja po domje a po nowozałoženym laborje projekta Drasta digital kaž tež na z nim zwisowacej 3D-dźěłarničce. Wot 15 hodź. wočakuje hosći kofej, wot 18 hodź. slěduja rej ...

Čitar Stani Nawka je nam foto dwórnišćoweje misije w Hamburgu připósłał. Před zachodom pryskaja tam horcoty dla wodu, zo móhli so bjezdomni wochłódźić, kotřiž sej tam hustohdy do chłódka wućeknu. Wón piše: Horcota njeje jenož za naše pola, rěki a zwěrinu problematiska – tež čłowjek pod njej ćerpi. Něhdźe 10 000 ludźi je lětsa hižo na sćěhi smalaceho słónca zemrěło. Ale njesměli tež zabyć na bjezdomnych, kotřiž na horcych dróhach nocuja. Foto: Stani Nawka

Čitarka Serbskich Nowin Hańžka Winterowa z Budyšina je nam slědowacy dopis sposrědkowała:Mějach wostudłe domjace dźěło wudokonjeć a tak chcych sej čas z cejdejku porjeńšić. Wućahnych sej słuchoknihu „Dopomnjenja na młode lěta“ wot Jurja Kocha. A hižo za krótki čas mje čitanje awtora tak putaše, zo wšitko stejo a ležo wostajich. Lóštne a druhdy mjenje zwjeselace dožiwjenja we wuběrnej serbšćinje a ze šćipatym humorom mje hnujachu. Jako dźěše wo słódke buchtle we Warnoćicach, dyrbjach na słódne droždźowe plincy na Serbskej rozšěrjenej wyšej šuli w Małym Wjelkowje myslić. Hižo wotranja je cyła šula za nimi wonjała. Runje na tajkim dnju je mje knjez Kluk w hodźinje matematiki k tafli kazał. Hladach na nadawk kaž woł na nowe wrota. Ničo njezamóch wuličić, mějach jenož plincy we hłowje. Zludany mi zaso do ławki kazaše.