Drježdźany (VaŽ/SN). Přichodny bal w Drježdźanskej Semperowej operje, kotryž budźe klětu w februarje, tuchwilu z połnej paru přihotuja. Lěto wob lěto so njeličomne młode pory za casting debitantow požadaja – tak tež lětsa. We wobłuku wulkeju castingow jich jury, kotruž nawjedujetaj rejwarjej Tassilo a Sabina Lax, akribisce pohódnoća. Wonaj staj wot prěnjeho bala lěta 2006 za naročnu choreografiju zahajenskeje reje zamołwitaj. Jury přisłuša dale Annett Hofmann, mandźelska sakskeho ministerskeho prezidenta Michaela Kretschmera. Wona je patronka debitantkow a debitantow. Z něhdźe 300 kandidatow su po dołhimaj dnjomaj castinga 200 młodych ludźi za rejwarki a rejwarjow wuzwolili. 100 porikow debitantow chce publikum 6. februara 2026 w Semperowej operje zakuzłać.

Hlinowski SK –Sokoł Ralbicy/Hórki 2:5 (0:3)Zestawa hosći: Schöne – Wałda, Šewc, B. Heidorn, Matka (46. Mikławšk), D. Šołta, Gloxyn, L. Heidorn (55. A. Woko), P. Woko, Hicka, N. Šnajder (62. R. Šnajder)W Hlinowcu chcychu Sokoljo na wukony zašłych hrow nawjazać a sej dalše tři dypki zawěsćić. Wosebje wrotar Willi Schöne běše přewšo motiwowany, wšako bě wjacore lěta pola hosćićela hrał.

Woclowa industrija w Sakskej tči – runje tak kaž druhdźe – w krizy. Tohodla sej zastupjerjo zawodow wot ­sakskeho hospodarskeho ministra Dirka Pantera (SPD) mjez druhim niše płaćizny za energiju žadaja. Na mjeztym štwórtym ­wjerškowym zetkanju wocloweje industrije Sakskeje su wčera w Freitalu wo tym wuradźowali. Foto: pa/dpa/Sebastian Kahnert

Nazymski koncert hinašeho razu je njedźelu něhdźe 70 wopytowarjow w Serbskim kulturnym centrumje w Slepom dožiwiło. Tam zahudźi dujerska kapała Horjany serbske, čěske, morawske a němske dujerskeje štučki. Hromadźe ze serbskimi šlagrami a pěsničku wo Klóšterskej wodźe bě to rjana měšeńca, z kotrejž so hudźbnicy wo zabawne nazymske popołdnjo postarachu. Bjez dźiwa, zo sej publikum hišće přidawk wuprosy. Foto: Jost Schmidtchen

Kulow/Brěžki (SN). Němske předewzaće Birkenstock, kiž je za swoje sandale z pódušu ze skorowca (Kork) swětoznate, je ležownosć něhdyšeho mebloweho zawoda Maja w Brěžkach (Brischko) kupiło. To zdźěli Kulowski měšćanski zarjad na swojej internetnej stronje. Po zawrjenju zawoda a zahajenju insolwencneho jednanja w lěće 2023 steja produkciske twarjenja prózdne. Swětowy koncern Birkenstock ze sydłom w Linzu nad Rynom w Porynsko-Pfalcowskej planuje nětko w Brěžkach natwar produkciskeho stejnišća za zhotowjenje pódušow, kotrež wšak su najwažniši element produktow předewzaća. Hižo eksistowace twarjenja chce předewzaće zdźeržeć a modernizować a wutwarić. Tute dźěła maja so spočatk 2026 zahajić. W běhu slědowaceho lěta je wuhotowanje halow z modernymi produkciskimi připrawami planowane. „Po zahajenju produkcije móhli na nowym stejišću hač do lěta 2030 někotre sta dźěłowych městnow nastać. Tuta inwesticija je žohnowanje za našu komunu a za cyły region“, piše Kulowski měšćanski zarjad. ...

Křesćan Krawc z Hrubjelčic poćahuje so na temu přinoška „Na slědach ludoweho basnika“ na dźensnišej 4. stronje SN:Swjatočne zahajenje pomjatneje šćežki Pětra Młónka po Hodźiju a wokolnych wsach bě za naju překwapjenje. Njejsmoj wočakowałoj telko zajima za serbskeho ludoweho basnika. Hodźijska wulka cyrkej běše połnje wobsadźena. Poswjećenje so zahaji z nutrnosću. Na nju je witał Hodźijski farar a serbski superintendent Krystof Rummel. Z přewodom Měrćina Krawcowych dujerjow smy serbske spěwy spěwali, tež „Rjana Łužica“. Po tym busowa ekskursija po Młónkowych pućach a skutkowanišćach z wujasnjenjemi dr. Gerata Krawca z Hornjeho Wunjowa je była wobsahowje konkretna a derje zrozumić. Na kóncu smy so zetkali při kofeju a přewšo bohatej swačinje. Kelko přihotowanja za cyłe tute popołdnjo je trěbne było, za naju kaž kulturny festiwal. Za to so dźakujetaj Krawcec z Hrubjelčic.

Tuchwilu so intensiwnje wo wobornej winowatosći a w tutym zwisku samo wo wulosowanju diskutuje. Kak pak wo tym potrjecheni serbscy młodostni mysla­? Lydija Suchec je so za jich měnjenjom wobhoniła a zwěsćiła, zo je nastajenje jara rozdźělne.Matej Čornak (16) z Dobrošic: Měnju, zo je znowazawjedźenje woborneje winowatosće dobra ideja, dokelž móža so młodostni tak za swój kraj angažować. Při tym so jim mnoho nazhonjenjow za žiwjenje sposrědkuje, kaž disciplina abo kak so z brónjemi wobchadźa. Nimo toho maja tam wuměnu z tamnymi młodostnymi. Móžu sej sam předstajić, po šuli wójsku přistupić, snano pak do směra mariny, dokelž mje to skerje zajimuje. Tež za žony by woborna winowatosć płaćić dyrbjała, wšako njejsu nadawki we wójsku tajke, zo móža je jenož mužojo wukonjeć. Myslu sej, zo woborna winowatosć njeby škodźała.Helena Dubawic (16) z Worklec: Njedźeržu ničo wo tym, zo so woborna winowatosć zaso zawjedźe. Po mojim měnjenju je to rozsud jednotliwca, hač chce do zwjazkoweje wobory hić ab ...